小📣！有個幾年冇黎，俾人Label左係麻煩友嘅大叔今日大駕光臨。睇十萬樣野，攞幾萬封轉介信都算。同佢度血壓，第一次個上壓190，再度都170。之前食開血壓藥，自己覺得唔再需要食同埋因為冇病徵所以就停左藥。一路幾年都冇自己再度過血壓。同佢講要食返藥，佢竟然Stop我🖐🏽，話佢今日唔係睇血壓！咁既然你唔想知，姑娘問你度唔度血壓你就唔好貪小便宜，一野拒絕人哋啦。咁樣咪皆大歡喜囉，你又唔想知，我又唔使醫你。最終我都係要哦你㗎啦，你估我想咩？
Any肥，佢主要係想睇腳臭見佢開始除對波鞋，再除埋佢厚到無倫嘅波襪，即刻已經閉氣唔會走去聞啦。連你屋企人都嫌你臭到要睇醫生，我真係難以想像會係咩味。同佢講要着波鞋冇咁好，啲香港腳菌會好開心，trap住曬D汗氣。頂佢個肺，佢Gut我：「小姐，對波鞋透氣架！」我咪同返佢講：「先生，你對波襪幾尺厚呢至弊！」又係你自己要指明睇我，你Gut我做乜姐？就係你成日着對咁嘅鞋加咁嘅襪先至咁臭咋！唔識又要扮識！
跟住又話自己成年都係反反覆覆聲沙，想睇耳鼻喉。問佢咩時候會差D，佢同我講鬧人鬧得多把聲咪沙囉！咁唔怪得你血壓咁高啦！邊有人咁講野㗎，我可唔可以以後唔睇佢？🤬🤬🤬🤬🤬🤬🤯🤯🤯🤯🤯🤯
～～～
多謝暖男送月餅～～ 已奉獻咗俾阿媽～～ 🤣🤣
希望大家中秋節瞓咗好多啦！
我繼續人肉兩團圓🐽🐽～～
Search